ILMIY MATN VA OG'ZAKI MULOQOTDA SHAXS IFODALANISHINING LINGVISTIK VA PRAGMATIK XUSUSIYATLARI

Abstract

Mazkur maqolada og‘zaki va yozma nutq shakllarining lingvistik xususiyatlari va kommunikativ vazifalari tizimli ravishda o‘rganilgan. Maqola doirasida diskurs tushunchasi keng ko‘lamda tahlil qilinib, uning lingvistik, sotsiomadaniy va pragmatik kontekstlardagi ahamiyati aniqlangan. Og‘zaki nutqning o‘ziga xos jihatlari sifatida rejalashtirilmaganligi va kontekstga bog‘liqligi qayd etilgan bo‘lsa, yozma nutqda tuzilish va izchillik aspektlari kengroq tahlil qilingan. Tadqiqotda og‘zaki va yozma diskurslarning o‘zaro taqqoslanishi orqali ularning kommunikativ maqsad va vazifalaridagi farqlar aniqlangan. Shuningdek, og‘zaki nutqqa nisbatan mavjud bo‘lgan stereotiplar va ularning ilmiy asoslari tahlil qilingan. Maqolada og‘zaki va yozma diskurs bir-birini to‘ldiruvchi, lekin turli xususiyatlarga ega kommunikativ vositalar sifatida qaraladi va tilshunoslikda ularni kompleks o‘rganish zarurati ta’kidlanadi.