KIMYO FANINI O‘QITISHDA VIRTUAL LABORATORIYALARDAN FOYDALANISHGA ILMIY-PEDAGOGIK YONDASHUV

Аннотация:

Zamonaviy ta’lim tizimida raqamli texnologiyalarni joriy etish jarayoni tez sur’atlarda rivojlanmoqda. Xususan, kimyo fanini o‘qitishda virtual laboratoriyalardan foydalanish talabalarning nazariy bilimlarini mustahkamlash, murakkab jarayonlarni vizual tarzda tushuntirish hamda xavfsiz tajriba muhitini yaratishda muhim ahamiyat kasb etadi. Virtual laboratoriyalar kompyuter simulyatsiyalari orqali kimyoviy jarayonlarni modellashtirish imkonini beradi. Ushbu texnologiyalar an’anaviy laboratoriya mashg‘ulotlarini to‘ldiruvchi innovatsion vosita sifatida kimyo ta’limi samaradorligini oshiradi. Mazkur tezisda virtual laboratoriya tushunchasi, uning kimyo ta’limidagi o‘rni, an’anaviy laboratoriya bilan taqqoslanishi, talabalarning bilim va ko‘nikmalarini rivojlantirishdagi roli hamda ushbu texnologiyaning afzalliklari va cheklovlari tahlil qilinadi.