Мазкур мақола ёшлар тарбиясининг долзарб муаммоларидан бири –соғлом турмуш тарзи асосида ёшларни мустақил оилавий ҳаётга тайёрлашга бағишланган. Мақоладан ёшларни мустақил оилавий ҳаётга тайёрлаш учун оилада соғлом наслни яратиш, никоҳ олди тиббий кўрикдан ўтишнинг афзалликлари, жисмоний тарбияси масалалари, саломатлик борасида оила анъаналарига қўйилган талабларнинг ҳисобга олиниши ва уни тўғри ташкил этишга эришиш йўллари аниқ кўрсатиб ўтилган

Ушбу тадқиқот Тошкент шаҳрининг Миробод ва Шайхонтоҳур туманларида яшовчи 15–17 ёшли 4019 нафар мактаб ўқувчиси иштирокида ўтказилди. Тадқиқотда ўсмирлар жисмоний фаоллик даражаси ва қомат ҳолати ўртасидаги боғлиқлик, ортопедик муаммоларнинг тарқалиши, уларнинг эҳтимолий сабаблари ва асосий омиллари таҳлил қилинди. Натижаларга кўра, жисмоний фаоллик даражаси паст бўлган ўсмирларда қомат бузилишлари сезиларли даражада юқори эканлиги аниқланди. Корреляция таҳлили компьютер ва смартфондан ортиқча фойдаланиш, камҳаракатли ҳаёт тарзи, нотўғри пойабзал кийиш ва стресс каби омилларнинг қомат бузилишларига таъсирини кўрсатди.

Ўсмирлардаги ҳайз цикли бузилишлари ёш аёлларнинг саломатлиги, ҳаёт сифати ва умумий психо-эмоционал ҳолатига таъсир қиладиган муҳим ва кенг тарқалган муаммодир. Балоғатга етиш даври қизлар қўшимча зўриқиш ва стрессни келтириб чиқариши мумкин бўлган кўплаб янги физиологик ва ҳиссий ўзгаришларга дуч келадиган пайтдир. Ўз танаси ва унинг функциялари, айниқса ҳайз цикли ҳақидаги тушунчалар баъзан ташвиш ва хавотирга сабаб бўлади.

Ҳарбий хизматгача ёшдаги ўсмирлар орасида қомат бузилишлари кенг тарқалган бўлиб, бу муаммо уларнинг умумий жисмоний ҳолати ва ҳарбий хизматга тайёргарлигига салбий таъсир кўрсатади. Тадқиқот мақсади қомат бузилишларининг асосий сабабларини аниқлаш ва уларнинг жисмоний тайёргарликка таъсирини баҳолашдан иборат. Сколиоз, кифоз ва лордоз каби қомат бузилишлари ўспиринлар орасида энг кўп учрайдиган муаммолар ҳисобланади. Тадқиқот натижаларига кўра, 42% ўсмирларда қомат бузилишлари кузатилган, уларнинг 27%ида сколиоз, 10%ида кифоз ва 5%ида лордоз аниқланган. Камҳаракатли ҳаёт тарзи ва нотўғри ўтириш бу муаммоларнинг асосий сабабларидан бири ҳисобланади.

Ушбу мақолада ақли заиф болаларни ижтимоий хаётга  мослаштириш уларни мустақил хаётга таёрлашни ўзига хос жихатлари очиб берилган. Асосан, адабиётларда бу масаланинг моҳиятига оид қарашлар санаб ўтилган.

Ўзбекистон ҳуқуқий тизимини шакллантиришда ҳуқуқнинг рағбатлантирувчи усули устувор аҳамият касб этиб келди. Мустақилликдан сўнг қабул қилинган норматив-ҳуқуқий ҳужжатларнинг таҳлили шундан далолат берадики, жамиятнинг ижтимоий, иқтисодий, сиёсий, маданий, маънавий ҳаёт соҳаларини ислоҳ этишда рағбатлантирувчи ҳуқуқий сиёсат кенг миқёсда ўз ифодасини топган. Зеро, жамиятда оламшумул ўзгаришлар, янгиланиш, модернизациялаш амалга оширилаётган бир шароитда унинг ҳуқуқий асоси, таъминотига жиддий эътибор берилади. Жамият аъзоларини амалга оширилаётган ислоҳотлар иштирокчисига айлантириш, ҳар бир шахс манфаатининг қондирилиши ислоҳотларнинг самарадорлиги ва натижасига боғлиқлигини англаб етиши, кўп жиҳатдан давлатнинг рағбатлантирувчи ҳуқуқий сиёсати ва қабул қилинаётган норматив-ҳуқуқий ҳужжатлари мазмунига боғлиқдир.