“SURXON VOHASIDA XX ASRNING BIRINCHI YARMIDA PAXTACHILIK TARAQQIYOTI VA UNING IJTIMOIY-IQTISODIY AHAMIYATI”

Abstrak:

Mazkur ilmiy maqolada Surxon vohasida XX asrning birinchi yarmida paxtachilik sohasining rivojlanishi hamda uning ijtimoiy-iqtisodiy ahamiyati yoritilgan. Mavzuda vohaning tabiiy-iqlim sharoitlari, sug‘orish tizimlarining kengayishi, yangi yerlarning o‘zlashtirilishi va paxtachilikning asosiy tarmoqqa aylanish jarayonlari tahlil qilinadi. Shuningdek, Sovet hokimiyatining dastlabki yillarida amalga oshirilgan agrar siyosat, kolxoz va sovxozlarning tashkil topishi, paxta hosildorligini oshirish uchun joriy etilgan chora-tadbirlar o‘rganiladi. Ishda paxtachilikning Surxon vohasi aholisining turmush tarziga, ijtimoiy munosabatlariga, iqtisodiy hayotiga ta’siri hamda mamlakat miqyosida tutgan o‘rni ko‘rsatib berilgan.