Yevrosiyo huquq, moliya va amaliy fanlar jurnali

Ушбу мақолада ички ишлар органлари томонидан амалга ошириладиган миграция ва фуқароликни расмийлаштириш фаолиятини тартибга солувчи норматив-ҳуқуқий ҳужжатлар таҳлил қилинган. Шунингдек, Ўзбекистон Республикасида миграция жараёнларини бошқариш, фуқароликни олиш ва йўқотиш тартиби, шу соҳадаги ҳуқуқий асослар ва уларнинг амалиётда қўлланилиши ўрганилган. Мақолада мавжуд қонунчилик нормаларининг аҳамияти, уларнинг ички ишлар органлари фаолиятидаги ўрни ҳамда миграция соҳасидаги ҳуқуқий муносабатларни тартибга солишдаги роли ёритилган. Шу билан бирга, мазкур соҳадаги ҳуқуқий механизмларни такомиллаштиришга оид айрим таклиф ва хулосалар келтирилган

Ushbu maqolada oxirgi zarurat tushunchasi hamda uning natijasida shaxsni ma’muriy javobgarlikdan ozod qilishning huquqiy asoslari tahlil qilingan. Shuningdek, oxirgi zarurat holatida sodir etilgan harakatlarning huquqiy bahosi, uning shartlari va chegaralari, shuningdek amaldagi qonunchilikdagi o‘rni ko‘rib chiqilgan. Maqolada oxirgi zarurat shaxs, jamiyat va davlat manfaatlarini himoya qilishga qaratilgan huquqiy institut sifatida yoritilgan. Shu bilan birga, mazkur holatda ma’muriy javobgarlikdan ozod qilishning huquqni qo‘llash amaliyotidagi ahamiyati va uni takomillashtirishga doir ayrim xulosa hamda takliflar bayon etilgan.

Мазкур мақолада жамоат хавфсизлиги ва жамоат тартиби тушунчаларининг илмий-назарий асослари таҳлил қилинган бўлиб, бу борада миллий ва хорижий ҳуқуқшунос олимларнинг илмий тадқиқлт ишлари, фикр ва мулоҳазалари атрофлича ўрганилган ва таҳлил қилинган. Шунингдек, замонавий олимларнинг жамоат хавфсизлигига оид ёндашувлари қиёсий таҳлил этилган. Илмий адабиётларда жамоат хавфсизлиги тушунчасига нисбатан ягона ёндашув мавжуд эмаслиги, унинг мазмуни турли омиллар ва хавф-хатарлар билан боғлиқ ҳолда талқин этилиши асослаб берилган

O’zbekiston Respublikasi davlat byudjetining katta qismi soliq yig’imlari orqali shakllanadi hamda mamlakatning iqtisodiy ko’rsatkichlariga bevosita ta’sir qiladi. Ushbu maqolada O’zbekistondagi soliq tizimi, davlat byudjeti shakllanishi  o’rni hamda prognoz qilingan daromadlar ko’rib chiqiladi.

Maqolada Qozog‘iston Respublikasida kichik va o‘rta korxonalar (KO‘K)ning moliyaviy barqarorligini baholash usullari ko‘rib chiqiladi. Kichik va o‘rta korxonalar mamlakat iqtisodiyotida muhim o‘rin egallab, ish o‘rinlari yaratadi, innovatsiyalarni rivojlantiradi hamda yalpi ichki mahsulotning muhim qismini shakllantiradi. Iqtisodiy beqarorlik, valyuta kurslarining o‘zgarishi va bozor sharoitlarining tez-tez almashib turishi sharoitida korxonalarning moliyaviy barqarorligini baholash uchun ishonchli va samarali vositalarga ehtiyoj ortadi. Tadqiqotda KO‘Kning moliyaviy holatini baholashda qo‘llaniladigan asosiy yondashuvlar tahlil qilinadi. Jumladan, moliyaviy koeffitsiyentlar tahlili, kreditga layoqatlilikni baholash modellari, SWOT-tahlil hamda kompleks moliyaviy diagnostika usullari ko‘rib chiqiladi. Tadqiqot natijalari shuni ko‘rsatadiki, eng samarali yondashuv miqdoriy va sifat tahlil usullarini birlashtirishdan iborat. Bunday yondashuv korxona faoliyatiga ta’sir etuvchi moliyaviy ko‘rsatkichlar bilan bir qatorda tashqi iqtisodiy omillarni ham hisobga olish imkonini beradi

Maqolada korrupsiyaning mohiyati va unga qarshi kurashish evolyutsiyasi xususida fikr yuritilib, mazkur faoliyatni yanada samarali tashkil etishga oid taklif hamda tavsiyalar bildirilgan.

Bolalarga nisbatan zo‘ravonlikni oldini olish ichki ishlar organlarining asosiy vazifalaridan biri hisoblanadi. Ushbu maqolada ichki ishlar organlarining profilaktika faoliyatini takomillashtirish masalalari o‘rganilgan. Shu jumladan, huquqiy va me’yoriy bazani mustahkamlash, xodimlarning malaka va tayyorgarligini oshirish, monitoring va ma’lumot tizimlarini rivojlantirish, xalqaro ilg‘or tajribalarni joriy etish, jamiyat va oilalar bilan samarali hamkorlikni tashkil etish, shuningdek, oldini olish dasturlari va axborot-targ‘ibot ishlarini kuchaytirish masalalari ko‘rib chiqilgan.