HUDUDLARDA JINOYATCHILIKNI OLDINI OLISHDA PROFILAKTIKA INSPEKTORI ROLI (JANUBIY KOREYA DISTRICT POLICE OFFICER FAOLIYATI MISOLIDA)

Аннотация

Mazkur maqolada hududlarda jinoyatchilikni oldini olishda profilaktika inspektori rolining nazariy va amaliy jihatlari Janubiy Koreya politsiya tizimidagi District Police Officer faoliyati misolida tahlil qilingan. Tadqiqotda hududiy profilaktika institutining huquqiy va tashkiliy asoslari, aholi bilan muloqotga asoslangan policing modellari hamda jinoyatchilikni keltirib chiqaruvchi sabab va shart-sharoitlarni barvaqt aniqlash mexanizmlari o‘rganilgan. Shuningdek, Janubiy Koreyada District Police Officer tomonidan qo‘llanilayotgan “community policing” va “problem-oriented policing” konsepsiyalarining jinoyatchilikni kamaytirishdagi samarasi ilmiy manbalar va rasmiy statistik ma’lumotlar asosida yoritilgan. Maqolada xorijiy ilg‘or tajribani milliy huquqbuzarliklar profilaktikasi tizimiga tatbiq etish imkoniyatlari asoslab berilgan. Tadqiqot natijalari profilaktika inspektorlari faoliyatini takomillashtirishda ilmiy-amaliy ahamiyat kasb etadi.