ИНТЕРНЕТ БУТУНЖАҲОН АХБОРОТ ТАРМОҒИДАН ФОЙДАЛАНИБ ЎЗ ЖОНИГА ҚАСД ҚИЛИШГА УНДАШ ЖИНОЯТИ: ЖИНОИЙ-ҲУҚУҚИЙ ВА КРИМИНОЛОГИК ТАВСИФИ

Аннотация

Ушбу мақолада XXI аср рақамли технологиялари шароитида юзага келган интернет орқали ўз жонига қасд қилишга ундаш жиноятининг ҳуқуқий моҳияти, турлари ва профилактика чоралари тадқиқ этилган. Ўзбекистон Республикаси Жиноят кодексининг 103¹-моддаси асосида жиноят таркибининг элементлари таҳлил қилинган ҳамда интернет орқали содир этилган жиноятларнинг ўзига хос хусусиятлари – анонимлик, масофавийлик, кўп сонли қурбонларга бир вақтнинг ўзида таъсир ва халқаро характер – очиб берилган. Жиноятнинг асосий шакллари, жумладан, “Ўлим ўйинлари” (“Кўк кит”), зарарли челленжлар ва деструктив контент тарқатиш кўриб чиқилган, 10-24 ёш ораси ўсмирлар асосий хавф гурухи сифатида белгиланган.