Adabiyot so‘zining arabcha adab so‘zi bilan bog‘liqligini hisobga olsak, badiiy adabiyot estetik ta’sir etishi bilan shaxsning ma’naviyatini boyitadi, estetik qobiliyatini o‘stiradi, unda ezgulikni qadrlashga bo‘lgan intilishni rag‘batlantiradi, ya’ni keng ma’noda tarbiyaviy ahamiyatga ega. She’riy san’atlarni yuzaga chiqaruvchi vosita – til, tilning imkoniyatlaridir. Masalan, tazod (antiteza) san’ati tilda antonim so‘zlarning mavjudligi tufaylidir. Shunga o‘xshash barcha badiiy san’atlar zaminida tilning vosita va imkoniyatlari turadi. Ushbu maqolada Zebo Mirzo she’riyati va undagi badiiy san’atlar haqida so’z boradi.
