PROZALÍQ SHÍǴARMALARDÍ ÚYRENIW ASPEKTLERI

Abstract

Bul maqalada proza túsiniginiń teoriyalıq tiykarları, onıń tiykarǵı belgileri hám lingvistikalıq qásiyetleri qarap shıǵıladı. Prozanıń poeziyadan parıqlı túrde bayanlawshılıq, sebep-aqıbet baylanısı, waqıt izbe-izligi, obrazlılıq hám kóp qatlamlı sóylew sisteması menen sıpatlanatuǵını kórsetiledi. Sonday-aq, Ernest Hemingway, John Cheever, Joseph Brodsky, V.V. Vinogradov hám M.M. Baxtin sıyaqlı ilimpazlar hám jazıwshılardıń proza haqqındaǵı ilimiy-teoriyalıq pikirleri analizlenedi. Maqalada lingvostilistikalıq analizdiń imkaniyatları hám shekleniwleri kórsetilip, lingvoproza baǵdarınıń áhmiyeti tiykarlanadı. Lingvoproza analizi prozalıq tekstti til biliminiń óz aldına obyekti sıpatında úyrenetuǵını, onda leksika, sintaksis, kompoziciya, avtor sózi, bayanlawshı sózi hám personajlar sózi kompleksli túrde tallanatuǵını haqqında pikirler bayan etiledi. Izertlew nátiyjesinde prozanıń quramalı til sisteması ekenligi hám onı lingvoproza aspektinde úyreniwdiń kórkem tekstti tereń túsiniw ushın zárúr ekenligi anıqlanadı.